ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

អភិបាលក្រុងច្បារមន សម្រេចដកលោក ឡាក់ ប៊ុនធីម ពីនាយករងសាលាក្រុងច្បារមន

  • ចុះផ្សាយថ្ងៃទី២១ ខែឧសភា ឆ្នាំ២០២១ ម៉ោង ១៩:៣១ នាទី ដោយ E-Arts
  • 1226
  Aa |   aA

កំពង់ស្ពឺ៖ លោក ហុក ម៉ារ៉ាឌី អភិបាលក្រុងច្បារមន នៅថ្ងៃទី២១ ខែឧសភា ឆ្នាំ២០២១ បានសម្រេចដកលោក ឡាក់ ប៊ុនធីម ចេញពីតួនាទីជានាយករងសាលាក្រុងច្បារមន។

ការសម្រេចបញ្ចប់តួនាទីនេះ បន្ទាប់ពីមានករណីល្បីថាមន្រ្តីសាលាក្រុងច្បារមនខាងលើ បានប្រើអំណាច និងបំផ្លិចបំផ្លាញទ្រព្យសម្បត្តិរបស់ប្រជាពលរដ្ឋ ពោលគឺបានទាត់កញ្ច្រែងខ្នុរ និងព្រីងរបស់ប្អូនស្រីម្នាក់ផ្អើលព្រោងព្រាត រហូតលេចឮដល់លោក វ៉ី សំណាង អភិបាលខេត្តកំពង់ស្ពឺ និងរហូតឈានដល់ការដកពីតំណែងនេះតែម្តង។

អភិបាលក្រុងច្បារមនលោក ហុក ម៉ារ៉ាឌី បានប្រាប់បណ្តាញសារព័ត៌មាន E-ARTS Cambodia ថាការអនុវត្តវិធានការវិន័យចំពោះលោក ឡាក់ ប៊ុនធីម អតីតនាយករងសាលាក្រុងច្បារមនទទួលបន្ទុកសណ្តាប់ធ្នាប់នេះ ដោយសារគាត់បានប្រើកាយវិការមិនសមរម្យចំពោះប្រជាពលដែលលក់ដូរតាមផ្សារកញ្ច្រែង តាមជញ្ជើមផ្លូវ ក្បែរគល់ស្ពានផ្សារកំពង់ស្ពឺ ស្ថិតក្នុងភូមិពាណិជ្ជកម្ម សង្កាត់រកាធំ ក្រុងច្បារមន ខេត្តកំពង់ស្ពឺ។ យ៉ាងមិនលោក ហុក ម៉ារ៉ាឌី បានបញ្ជាក់ថាកន្លែងនោះគឺជាតំបន់ហាមឃាតដើម្បីទប់ស្កាត់ការរីករាលជំងឺកូវីដ-១៩ក្នុងក្រុងច្បារមន។ 

រូបថតលោក ហុក ម៉ារ៉ាឌី អភិបាលក្រុងច្បារមន យកស្បៀងបឋមជូនដល់គ្រួសារដែលត្រូវចត្តាឡីស័ក

អភិបាលក្រុងរូបនេះបានសំណូមពរដល់ប្រជាពលរដ្ឋគោរពវិធានសុខាភិបាល ពេលលក់ដូរត្រូវពាក់ម៉ាស់ការពារ រក្សាគម្លាតកន្លែងលក់ដូរដែលអាជ្ញាធរបានរៀបចំជូន។


រូបថតប្រជាពលរដ្ឋលក់ចេក ដាក់ក្នុងរង្វង់ដែលអាជ្ញាធរមូលដ្ឋានបានហាមឃាត់

ជាមួយគ្នានេះអភិបាលខេត្តកំពង់ស្ពឺលោក វ៉ី សំណាង បានប្រកាសមិនគាំទ្រចំពោះទង្វើរបស់មន្ត្រីដែលយកតួនាទីភារកិច្ចទៅអនុវត្តខុសវិជ្ជាជីវៈ ខុសក្រមសីលធម៌ រហូតធ្វើឲ្យប្រជាពលរដ្ឋស្លូតត្រង់ស្រក់ទឹកភ្នែកនោះឡើយ។

លោកអភិបាលខេត្ត បានអំពាវនាវយ៉ាងទទូចដល់ប្រជាពលរដ្ឋទាំងអស់ដែលប្រកបមុខរបរលក់ដូរ សូមស្ដាប់តាមការណែនាំរបស់អាជ្ញាធរ ដើម្បីធ្វើយ៉ាងណាអាចរក្សាបាននូវសណ្ដាប់ធ្នាប់សាធារណៈ ជៀសវាងការបង្កភាពអាណាធិបតេយ្យដែលកើតឡើងដោយប្រជាពលរដ្ឋមួយចំនួនតូច៕




ព័ត៌មានជាច្រើនទៀតសម្រាប់អ្នក